Eberhard Schikora
Mitglied
Die froindliche Bollidäss
Nomalewais pak isch moi Audo uff halwä Häih iwwäm Griesel, woann isch inde Schtadt ebbes ze erledische hoab. E bissel Bäigschdaije duht däre Gesundhaid immä gut.
Abbä nailisch hoab isch väschloafe, un moin Zoahnazt hoat misch foa 8.00 Uhr beschdelld gehadd. Er hoat soi Bragsis inde Hauptschrdoaß inde Fußgängezone (Ouliewere un Aobholä frai zwische 18.30 un 10.00 Uhr)
Also schdell isch moi Audo vor soi Bragsisdeer.
Jetzt woar da awwä en Schbitzel, der wu sisch Gedange gemoacht hett, woas do ougeliewerd bzw. oabgehold werd.
Wie isch um 9.00 die Bragsis veloass, is de Schbitzel groad oam Dischbediern mit däre Schdaatsgewoald. Die muss misch ja flischdgemäß noach dem Sachvähoald frache.
Eerlich wie isch bin, berichd isch, doass isch en totaal lädierde Backezoah oabgeliewerd un mä en rebarierde Schneirezoah oabgehoald hett.
Die Bollidäss hoat gegriensd un is gange, un de Schbitzel hoat sisch grie geäijert.
Zwoa Daag speere klobbd mä de Bollidäss uff de Schulder un moand, sou ebbes sollt isch net noch emoal moache, sie det sunschd Schwierischkaide wäije Duldung vun grobbe Unfug krieje.
Mer häwwe uns baide verschdanne.
Nomalewais pak isch moi Audo uff halwä Häih iwwäm Griesel, woann isch inde Schtadt ebbes ze erledische hoab. E bissel Bäigschdaije duht däre Gesundhaid immä gut.
Abbä nailisch hoab isch väschloafe, un moin Zoahnazt hoat misch foa 8.00 Uhr beschdelld gehadd. Er hoat soi Bragsis inde Hauptschrdoaß inde Fußgängezone (Ouliewere un Aobholä frai zwische 18.30 un 10.00 Uhr)
Also schdell isch moi Audo vor soi Bragsisdeer.
Jetzt woar da awwä en Schbitzel, der wu sisch Gedange gemoacht hett, woas do ougeliewerd bzw. oabgehold werd.
Wie isch um 9.00 die Bragsis veloass, is de Schbitzel groad oam Dischbediern mit däre Schdaatsgewoald. Die muss misch ja flischdgemäß noach dem Sachvähoald frache.
Eerlich wie isch bin, berichd isch, doass isch en totaal lädierde Backezoah oabgeliewerd un mä en rebarierde Schneirezoah oabgehoald hett.
Die Bollidäss hoat gegriensd un is gange, un de Schbitzel hoat sisch grie geäijert.
Zwoa Daag speere klobbd mä de Bollidäss uff de Schulder un moand, sou ebbes sollt isch net noch emoal moache, sie det sunschd Schwierischkaide wäije Duldung vun grobbe Unfug krieje.
Mer häwwe uns baide verschdanne.