De alte Marx, de Engels unn de Mao, des warn unser Ideale
unn mir hattn Hoor bis uff die Schultre
unn mir sinn 2CV gefahre
unn mir warn geh Alles
unn mir warn jung
Mim Bob Dylan, em Donavan unn de Baez hänn mer gesunge
unn mir hänn uff jeder Demo geh Gewalt und die Braune gekämft
unn mir sinn geh Atomkkraft marschiert
unn mir warn fers Proletariat
unn mir warn engagiert
Dann hänn die Erschte mit Plaschterstää und Mollotows geschmisse
unn Hunnertschafte Polizei sinn in Schlachte gezoh
unn uff ämol sinn Mensche ermordt worre
unn Gewalt hott Gewalt provoziert
unn mir warn schockiert
Dann wars vorbei, die Ordnung war wieder hergestellt unn die Strosse warn ruhich
unn die Ääne sinn im Gefängniss gestorbe
unn die Annern sinn fetter und träger worre
unn ibber die Gräber is es Gras gewachse
unn mir warn integriert
Dann sinn Mauern gefalle unn Regime zerbroche
unn statt de Internationale werd good bye Lenin gesunge
unn statt fer Ideale werd fer de Arbeitsplatz marschiert
unn statt es Peace Zeiche heben die Eerschte de Arm zum Gruß
unn mir sinn desinterressiert
Gonz hinne, in moim Schronk, do hängt noch moin alte Parka wo ich uff de Demos ahnhatt
unn ich zieh en ab unn zu emol ibber
unn ich deet gern noch emol uff die Stroß geh
unn fer die alte Ziele marschiere
abber ich bin zu feig defir
Bearbeiten/Löschen ebook Druckversion
markus s Häufig gelesener Autor
Registriert: Jan 2006
dein gedicht spiegelt, die unlogik unserer gesellschaft wieder.
viele wollen nicht mitschwimmen im strudel der kapital-gier, und sie/wir tun es doch.
so ist das mit dem menschen er erfindet worte wie, soziales gewissen, ....und tut doch nur sein mensch-sein-ding, aus feigheit. leider!
dein gedicht gefällt mir, obwohl´s eigentlich furchtbar traurig ist!
__________________
markus
Hallo markus
danke für deine gedanken, die sich absolut mit den meinen decken
inspiriert wurde ich zu diesen zeilen von einem alten Pur Hit
darin eine stelle "und die friedenspfeife baumelt überm videogerät"
des worn noch Zeite unn heiut bin ich z'ald defir.
Grieß
's dubiddu
Ps: Sehr schön, sehr authentisch, dein Text geht unter die Parka-geschützte Haut
__________________
Die Tollkühnheit des Schreibers und sein spontanes Bedürfnis nach Wahrheit müssen allemal größer sein als dessen Furcht vor den Konsequenzen seiner Aussagen.
RAFAEL SELIGMANN
