Atom(n)arrisch

Atom(n)arrisch.

Ned nedda fia an Dichta war`s a Quirkst,
waunst amoi af d`Nacht nix siachst.
Kunntast ned af`n Schoita tipse`n
und so dös Liacht anknips`n,
aus da Dos`n mit an Strom,
dem supa-billig`n, vom Atom.

Waun a oille boid davo krepier`n,
wäu so a damisch kraunges Hirn
aus Wut, so wia dö Twerreorgangsta,
s`Liacht ausblos`n hinta uns`re Fensta.

Daun mecht ih ned heit scho wiss`n,
wia vui G`scheide se in d`Hos`n g`schiss`n
und den Todesstrom vafluach`n,
beim Anblick ihrer letzte`n Truach`n.

Do huift koa "Bes`n...sei`s gewes`n" mehr,
fix is nedda, a tausend Joahr laung`s G`scher
und da Himmivoda greint oba vo do drob`m:
"Wäuls oiwäu g`scheida seid`s, wia ih herobm".