Aus is

Aus is

Wenns aus is, is vorbei
Einerlei
Eins zwei drei, eins zweidrei, einszweidrei, ...

Der Tod tanzt an Woizer
Auf dem Hoizbodn direkt über mir – 2 Meter 20 unter der Grasnarbn
Narbn san koa bliem. Ois is schee verwachsn. A Blumabeedl ooglegt, pflegeleicht. Winterfest.

Ein Fest im Winter.
Bodenfrost. Frostboden.

Koid is
Mia nimmer – ausgfrorn
Muas er sei, der Bau
- Hams ma gsogt -
Wurscht is, wenns a Hoiz is
Hoiz hoit warm.
I im Hoiz.

Schneewarm is.
Is Schnee warm?
Is warm Schnee?
Warm is Schnee
Von gestern.

Mia is koid.
Boid.