"Nu is ja doch een vun de "Stones" Kanzlerkandidat worrn", see Bertha un leed dat Blatt op´n Disch.
Kuddel müss lachen. "Wo kummst du op den Naam?"
"Woso? De schrifft doch al maandenlang so vun Steinbrück un Steinmeier."
"Sietdem wi dat Avendblatt abbonnomiert hebben, büst du ganz plietsch worrn! Ik gloov, wi köönt uns sogor över Politik ünnerholen."
"Kloor!" entrüst sik Bertha. "Dat kunnen wi ok al fröher! Wenn du mi nich ümmer so ünnerdrückt harrst!"
Kuddel treckt en söötsuer Snuut. "Wat höllst du denn vun Peer?"
"Vun Peer? Dor he wi du Hamborger is, muttst du nich gliek "du" to em seggen!" Bertha weer jümmers noch füünsch. "He is sachts de best vun de dree vun de Tankstell!"
"Du meenst vun de Troika?"
"Ja, ik bün nich op den Naam kamen. Is ok egal, gegen Fro Merkel hett he keene Chance!"
"Worüm nich?"
"He schall ja Finanzexperte sien. Dat is ja wichtig in uns Krisentiet. Aver he will mit tweehunnert Perzent tegen de Kanzlerin strieden. Dat is bregenklöterig! Ik heff in de School lehrt, mehr as hunnert Perzent geiht nich!"
"Dat muttst du nich so op de Waagschaal leggen! Dat is doch blot en Spröök! He wull doch ok al de Kawallerie na de Swiez
schicken."
"Na ja, inverstahn! Un wat höllst du vun em?"
"Fro Merkel mutt em för vull nehmen! He warrt ok vun Unions- un FDP-Wählers respekteert."
"Ja, aver de Linken vun de Sozis mögen em nich. Dat is slecht för en Genossen, wenn se em in de egen Reeg ehren, aver nich leef hebben!" see Bertha övertügt. "De Stimmen, de he vun de anner Siet kriggt, fehlen em in sien Lager!"
"Mann in de Tünn!" Kuddel weer baff. "Du warrst op diene olen Daag noch to´m Analytiker! Du hest recht, de Linken vergeven em nich, dat he för de Agenda 2010 weer un he sachts nich an den plaanten Rentensatz vun dreeunveertig Perzent rütteln warrt."
"Dat is al so ene Frechheit, sowiet rünner to gahn! Un denn beduern se schienhillig vun all Sieten de Armoot in´n Öller! Aver de Pensionen, de saken se nich, de blifft bi söventig Perzent!"
"Dat is ja keen Wunner: De mehrst Politikers sünd doch Beamte! Dat versteiht sik vun sülven!" antert Kuddel ahn Brass.
Bertha schüddkoppt. "Dorüm möten wi mehr vun de Straat in´t Parlament wählen. Minschen as du un ik! Du as eenfach Keerl verstehst doch de Sorgen vun de lütte Lüüd!"
"Ja, du hest recht, aver ik harr doch noch anner Scholen besöken möten. Un welkeen weet, as ik korumpiert worrn weer?!"
Bertha weer en Ogenblick nadenkern un see denn: "De Ümfragen ergeven keene Mehrheit för Swart/Geel un ok nich för Root/Gröön. Da mutt also bit to de Wahl noch ene besünners Begevenheit schehn!"
"Un wenn nich, hebben se doch noch de Piraten, üm de Macht to entern!"
Bertha maakt ene minnachtige Handgebeer. "Go mi an Land mit de 'Klappreekner-Generatschoon'! De schölen torüch na Somalia!"
Kuddel müss lachen. "Wo kummst du op den Naam?"
"Woso? De schrifft doch al maandenlang so vun Steinbrück un Steinmeier."
"Sietdem wi dat Avendblatt abbonnomiert hebben, büst du ganz plietsch worrn! Ik gloov, wi köönt uns sogor över Politik ünnerholen."
"Kloor!" entrüst sik Bertha. "Dat kunnen wi ok al fröher! Wenn du mi nich ümmer so ünnerdrückt harrst!"
Kuddel treckt en söötsuer Snuut. "Wat höllst du denn vun Peer?"
"Vun Peer? Dor he wi du Hamborger is, muttst du nich gliek "du" to em seggen!" Bertha weer jümmers noch füünsch. "He is sachts de best vun de dree vun de Tankstell!"
"Du meenst vun de Troika?"
"Ja, ik bün nich op den Naam kamen. Is ok egal, gegen Fro Merkel hett he keene Chance!"
"Worüm nich?"
"He schall ja Finanzexperte sien. Dat is ja wichtig in uns Krisentiet. Aver he will mit tweehunnert Perzent tegen de Kanzlerin strieden. Dat is bregenklöterig! Ik heff in de School lehrt, mehr as hunnert Perzent geiht nich!"
"Dat muttst du nich so op de Waagschaal leggen! Dat is doch blot en Spröök! He wull doch ok al de Kawallerie na de Swiez
schicken."
"Na ja, inverstahn! Un wat höllst du vun em?"
"Fro Merkel mutt em för vull nehmen! He warrt ok vun Unions- un FDP-Wählers respekteert."
"Ja, aver de Linken vun de Sozis mögen em nich. Dat is slecht för en Genossen, wenn se em in de egen Reeg ehren, aver nich leef hebben!" see Bertha övertügt. "De Stimmen, de he vun de anner Siet kriggt, fehlen em in sien Lager!"
"Mann in de Tünn!" Kuddel weer baff. "Du warrst op diene olen Daag noch to´m Analytiker! Du hest recht, de Linken vergeven em nich, dat he för de Agenda 2010 weer un he sachts nich an den plaanten Rentensatz vun dreeunveertig Perzent rütteln warrt."
"Dat is al so ene Frechheit, sowiet rünner to gahn! Un denn beduern se schienhillig vun all Sieten de Armoot in´n Öller! Aver de Pensionen, de saken se nich, de blifft bi söventig Perzent!"
"Dat is ja keen Wunner: De mehrst Politikers sünd doch Beamte! Dat versteiht sik vun sülven!" antert Kuddel ahn Brass.
Bertha schüddkoppt. "Dorüm möten wi mehr vun de Straat in´t Parlament wählen. Minschen as du un ik! Du as eenfach Keerl verstehst doch de Sorgen vun de lütte Lüüd!"
"Ja, du hest recht, aver ik harr doch noch anner Scholen besöken möten. Un welkeen weet, as ik korumpiert worrn weer?!"
Bertha weer en Ogenblick nadenkern un see denn: "De Ümfragen ergeven keene Mehrheit för Swart/Geel un ok nich för Root/Gröön. Da mutt also bit to de Wahl noch ene besünners Begevenheit schehn!"
"Un wenn nich, hebben se doch noch de Piraten, üm de Macht to entern!"
Bertha maakt ene minnachtige Handgebeer. "Go mi an Land mit de 'Klappreekner-Generatschoon'! De schölen torüch na Somalia!"