Du kimmst ausn Nöwe
Du kimmst aus an Nöwe,
va irgendwo her,
van Anfang hast selbm koa
Erinnerung mehr.
Du rennst über Wiesn,
voll färbiger Pracht
und tanzt mit de Wichterl
und Elfm af d` Nacht.
Dann kimmst af a Wegerl,
scho` austretn a weng,
a Zaun wosd net ausmagst
und stellnweis recht eng.
Des Wegerl muaßt durchi,
machts a a weng Müah
und dann hast af oamal
vül Straßn vor dir.
Da suachst dann an Eichtl,
probierst dort und da,
dann findst da de rechte
und derer gehst na.
Dei Straß is net oiweu
schen ebm und schnurgrad,
durch Kurvm und Schluchtn
kimmst nedda mit Not!
Bergauf und berga gehts,
es fragt neamds: „Bist müad“?
Du muaßt oiweu weida
und zruck kannst koan Schriatt!
Dann wirds langsam ru`iger,
`s bleibt oiweu mehr hint,
du merkst, daß dei Straßn
bald irgndwo vaschwindt!
Dei Roas geht en End zua,
du schaust van a Heh
in Abndliacht awi
am ewign See.
A Nöwe liegt drüber,
drum woaßt a`s net gwiß,
kannst nedda dran glaubm, daß
a Uafer drent is!
©gregor riegler 1993
Du kimmst aus an Nöwe,
va irgendwo her,
van Anfang hast selbm koa
Erinnerung mehr.
Du rennst über Wiesn,
voll färbiger Pracht
und tanzt mit de Wichterl
und Elfm af d` Nacht.
Dann kimmst af a Wegerl,
scho` austretn a weng,
a Zaun wosd net ausmagst
und stellnweis recht eng.
Des Wegerl muaßt durchi,
machts a a weng Müah
und dann hast af oamal
vül Straßn vor dir.
Da suachst dann an Eichtl,
probierst dort und da,
dann findst da de rechte
und derer gehst na.
Dei Straß is net oiweu
schen ebm und schnurgrad,
durch Kurvm und Schluchtn
kimmst nedda mit Not!
Bergauf und berga gehts,
es fragt neamds: „Bist müad“?
Du muaßt oiweu weida
und zruck kannst koan Schriatt!
Dann wirds langsam ru`iger,
`s bleibt oiweu mehr hint,
du merkst, daß dei Straßn
bald irgndwo vaschwindt!
Dei Roas geht en End zua,
du schaust van a Heh
in Abndliacht awi
am ewign See.
A Nöwe liegt drüber,
drum woaßt a`s net gwiß,
kannst nedda dran glaubm, daß
a Uafer drent is!
©gregor riegler 1993