Flädamaus

3,70 Stern(e) 3 Bewertungen

gertraud

Mitglied
flädamaus

Flädamaus, Flädamaus,
fliagt aus, fliagt aus
Fliagl ausbreitn,
a wengal wachln,
obi üba d Leitn
umi üba de Dachln,
koa Mond,
koa Stean,
blos Näwe, Näwe, Näwe.

Flädamaus, Flädamaus,
kimmt zu dia
in dei Haus
Schliafft duachn Spoit in da Dia,
schliafft zu dia
in dei Bedd,
meakst as ned,
Koa Mond,
Koa Stean,
blos finsta, finsta, finsta.

Flädamaus, Flädamaus,
neba dia, hinta dia,
druckt se an dei Seitn,
duat d Fliagl ausbreitn,
legts ganz woach ummi um di,
und dann beissts di in Hois -
koa Fläda
koa Maus
blos i, i beiss di, beiss di, beiss di.
 



 
Oben Unten