Gao lao

Walther

Mitglied
Gao lao


Heit semmr wiedr räachd bais gwäa
Ond hend ammol gsait, wamr denkat.
Weil dia selle, dia kå i gar nemme säa
Ond wenn se sich's Gsiecht ao no so vrrenkat.

Nåchhr ischd mr's bodaguat ganga,
Als dees endlich hussa gwäa ischd.
S'isch bis an dr Gierdl nondr mr ghanga,
Ond nå isch's oifach naus aus mr zischd.

Woischd, s'gait schao so lätza Däg,
Då muaß mr's hald bassiera wella lao.
Sonschd platzed oim no d'Hemdakräg.
Nå muaß 's äba naus, nå låt mr's hald gao.


Übersetzung:

Heut sind wir wieder richtig böse gewesen,
Und haben gesagt mal, was wir so denken.
Weil die da, die kann ich gar nicht mehr sehen,
Und wenn sie sich's Gesicht auch verrenken.

Nachher ist es super gut mir gegangen,
Als das endlich draußen gewesen ist.
'S ist mir bis an den Gürtel gehangen,
Und dann ist es einfach aus mir gezischt.

Du weißt von diesen elendigen Tagen,
Da muß man's einfach g'schehn wollen lassen,
Sonst platzt einem eben der Hemdenkragen,
Es muß dann halt sein, sich gehen zu lassen.
 



 
Oben Unten