Walther
Mitglied
Laitla, hendrs glesa? Des Laible on Frisch isch irgendwia en dem Beamda- on Minischderiomsvrschiebebåhof liega blieba. Mid derra nuie Koalizioo hend se erschd amål an räachda Beamdareisecirguss ågschoba. Ond dees Laible on Frisch ischd jetz em Wissaschafdsminischderiom glanded.
King Kretsch, der vo seim Nesabachkremele bald ens Schloß omziaga duad, håd d’Rondfonkvrandwordong an dr Schdaadsseggredär Walter niebrgschoba, drmiddr en nix neikomma kå. Dem Walderle hängd jetz dr Laible wia a Waggrschdoi om dr Hals, on dr Frisch hoggd em uffm Rugga. Er draud sich scho jetz nemme zom wella.
Wegge denna Beamdavrschieggonga håd Regierong egschdra a Endegrazioosminischdre aus dem Bärlien ghold, dådrmid dia Beamde ao gscheid endegrierd werda dennt. Wissedr, seit dem Dobblbåhhof hend dia z’Schduargard blooß no Båhhof ond Abfahrd em Kopf on wissad nemme, uff wellem Glois dr Zuag schdåhd. On weil em Kopf nix als Båhhof ischd, hoißd mr dees ao Kopfbåhhof, hendrs?
Wenn dia Minischdre mid derra Beamdaendegrazioo ferdigg ischd, nå send dia Esslengr Tirga drå. Dia werdäd nå wiad z’Bärlien vom Band beim Daimlr ond beim Bosch nach Hardz Vier endegrierd. Dees hoißd mr nå Fordschridd, obwohl dees ehhr zom Fordlaufa ischd. Bessr wär gwäa, dia häddad onsern Cem aus Bad Urach zom Endegrazioosminischdr en Bärlien gmachd, nå dädad dia Tirga då vielleichd ao beim Daimlr oddr beim Siemens schaffa schdadd beim Hardz Vier.
Dr waggre Schdaadsseggredär Walter mid seim Laible und Frisch Waggrschdoi om dr Hals ischd inzwischa scho midda en dem Sompf vom SWR on derra Filmförderong am Absaufa. Der schwädzd scho so bleed raus wia dia aus derra alda Regierong, als dem kloina Nils seina Trubba vor zwoi Jåhr nach derra Bavaria aus Bayern gfragd hend. Er håd äbbas vo „Rondfonkfreiheit“ durch dr Kamee gschwadroniarad on dådrvo, daß onser Seriele Laible on Frisch weidrganga sod. Abr d’Courasch, äbbas zom Doo, håddr ed. Bei dem ischd Courasch jetz schon am Asch. Hendrs?
Onsra Schwbalandfilm vo dem Scheiffele aus Deddenga on seine zwoi Freind derra wird jetz dr Hahna adrähd. Vo derra Teamworx ausm Ausland schbrengad Broduzenda durch d’Gegend on wällad denna Buaba dganza Arbed aschwoißa. D’Brichterschdaddong on dr ledschda Lesrbriaf håd ed vill gholfa. Wissadr, dia beim Fonk hends ed läsa kenna. Dia häddad z‘Heidelberg an dr Uni den „Übersetzungsgenerator“ ordra solla, weil se beim SWR koi Schwäbisch vrschdandad.
Dr SWR Cheffe Boudguschdl, seller Brogrammdireggdor Nellesen vo sellem Fonk on dia Röthemeyer von derra Filmförderong send hald koine vo ons. Dia schwädzad koi Schwäbisch on vrschdanda denn se ons ao ed. Also, uff Hochdeidsch:
Wir sind das schwäbische Volk! Wir wollen Laible und Frisch! Schafferdingen soll leben!
Hendrs?
King Kretsch, der vo seim Nesabachkremele bald ens Schloß omziaga duad, håd d’Rondfonkvrandwordong an dr Schdaadsseggredär Walter niebrgschoba, drmiddr en nix neikomma kå. Dem Walderle hängd jetz dr Laible wia a Waggrschdoi om dr Hals, on dr Frisch hoggd em uffm Rugga. Er draud sich scho jetz nemme zom wella.
Wegge denna Beamdavrschieggonga håd Regierong egschdra a Endegrazioosminischdre aus dem Bärlien ghold, dådrmid dia Beamde ao gscheid endegrierd werda dennt. Wissedr, seit dem Dobblbåhhof hend dia z’Schduargard blooß no Båhhof ond Abfahrd em Kopf on wissad nemme, uff wellem Glois dr Zuag schdåhd. On weil em Kopf nix als Båhhof ischd, hoißd mr dees ao Kopfbåhhof, hendrs?
Wenn dia Minischdre mid derra Beamdaendegrazioo ferdigg ischd, nå send dia Esslengr Tirga drå. Dia werdäd nå wiad z’Bärlien vom Band beim Daimlr ond beim Bosch nach Hardz Vier endegrierd. Dees hoißd mr nå Fordschridd, obwohl dees ehhr zom Fordlaufa ischd. Bessr wär gwäa, dia häddad onsern Cem aus Bad Urach zom Endegrazioosminischdr en Bärlien gmachd, nå dädad dia Tirga då vielleichd ao beim Daimlr oddr beim Siemens schaffa schdadd beim Hardz Vier.
Dr waggre Schdaadsseggredär Walter mid seim Laible und Frisch Waggrschdoi om dr Hals ischd inzwischa scho midda en dem Sompf vom SWR on derra Filmförderong am Absaufa. Der schwädzd scho so bleed raus wia dia aus derra alda Regierong, als dem kloina Nils seina Trubba vor zwoi Jåhr nach derra Bavaria aus Bayern gfragd hend. Er håd äbbas vo „Rondfonkfreiheit“ durch dr Kamee gschwadroniarad on dådrvo, daß onser Seriele Laible on Frisch weidrganga sod. Abr d’Courasch, äbbas zom Doo, håddr ed. Bei dem ischd Courasch jetz schon am Asch. Hendrs?
Onsra Schwbalandfilm vo dem Scheiffele aus Deddenga on seine zwoi Freind derra wird jetz dr Hahna adrähd. Vo derra Teamworx ausm Ausland schbrengad Broduzenda durch d’Gegend on wällad denna Buaba dganza Arbed aschwoißa. D’Brichterschdaddong on dr ledschda Lesrbriaf håd ed vill gholfa. Wissadr, dia beim Fonk hends ed läsa kenna. Dia häddad z‘Heidelberg an dr Uni den „Übersetzungsgenerator“ ordra solla, weil se beim SWR koi Schwäbisch vrschdandad.
Dr SWR Cheffe Boudguschdl, seller Brogrammdireggdor Nellesen vo sellem Fonk on dia Röthemeyer von derra Filmförderong send hald koine vo ons. Dia schwädzad koi Schwäbisch on vrschdanda denn se ons ao ed. Also, uff Hochdeidsch:
Wir sind das schwäbische Volk! Wir wollen Laible und Frisch! Schafferdingen soll leben!
Hendrs?
Allerdings gehört zu den Gesamtgeschichte zum Einen der Beitrag