Oidweibasomma - Bayrisch - Mundart

Moat

Mitglied
A Weda wia a Traum,
D’sonn so sche wias obischeint.
Do hoit oan nix mehra drinna,
do muaß ma naus.
Naus und die letztn schena dog mitnema
d’Sonnastroihn eifanga.
D’Nosn in d’Sonn’ recka,
no amoi auftankn bevors goar is
bevors greisle wird.

No amoi de buntn Herbstdog eifanga.
Des Herbstlab so sche in da sonna,
im sanftn Wind waht’s und foit
auf d’Erdn.

De Woikn zuaschaugn wias da Wind
vor se herdreibt.
Schaugn wia de kloana de Blattln sammen,
Oicheln und Kastani.

No amoi in Biagoatn gehn, wer woas, kannt ja
d’letzte Mass sei im freia füa des Joahr.

Gmüatle sitzn und schaugn.
Und ganz oag hoffn das doch no amoi
so an schena Dog kemma mog.

Moat 16.10.02
 



 
Oben Unten