Kühn-Schierholz
Mitglied
Töven
Fenna jumpt s´mörgens ut Bedd un makt sük un glieks an hör Dagwark. Eerst Upgav is Koffje koken un dat Frohstück för de Familie maken. Na´t Eten waskt se de Tassen un Tellers of. Daarna doot se smuddelig Tüg in´d Waskmaschin. Elke Dag makt se en Kamer schon, hangt natt Tüg up un kokt Middageten. Namiddags maak se geern in´t Tuun gahn un arbeiten bit dat de Sünn unnergeiht. Wenn se de hele Dag warkt hett, denn is se s`avends tofree mit sük un de Welt.
Dat was Fredag, Fenna wull de Tüg as elke Dag uphangen, do is se de Trapp andaal fallen. As se hör linke Foot hoogtillen wull, dee dat hellsk sehr un de Foot slackerde so sünnerbaar van en Sied up´d anner. Se reep hör Keerl un de kweem ok futt. He telefoneerde glieks mit de Reddendeenst. Fenna muss dat eerst Maal töven. Aver bloot tein Minüten. Denn kwemen de Mannlü van´d Reddendeenst un brochen hör na de Krankenhuus. Nu gung dat mit dat Töven so richtig los. Se kunn nich opereert worden, wiel dat Been so dick was.
Elke Mörgen muss se um söben Ühr upstahn. Um acht Ühr hett se Smacht, aver se muss töven bit dat en frünnelk Froo hör dat Eten broch. Denn tövde se up de Doktors. Na dat Middageten tövde se weer. Wenn hör Keerl of en Fründ hör dat Töven körter mook, freide se sük. An Maandag wurr se opereert un denn weer dat Töven neet so swar, wiel se schoon of was. Mit Tied hett se sük ok an`t Töven weent. Mitunner lesde se in en Book of se schreev en Breev. Dat best aver weer dat Unnerhollen mit de anner Froen an hör linke un rechte Sied. Da murk se gaar neet dat se töövde.
Na dree Dagen kreeg Fenna en Rullstohl. Nu kunn se dör dat hele Krankenhuus un ok vör de Ingang rullen. Dat weer en goode Plaats. Nu kunn se elke Besöker sehn. Un se truff ok enige Bekennden. En Fründin wull na de Hospizkoppel. Anner Fro wull hör Moder besöken. De Bedriever van de Flohmarkt beduurde, dat Fenna anner Sündag neet komen kunn. En Kolleeg weer ok in`t Krankenhuus. He see „Good Dag“ un „Tschüs“. He wull neet seggen wat he he harr. Mutt he ja ok neet. Fennas Utflög weren neet lang. Dat weer swar de Rullstohl an to drieven. Na kört Tied weer Fenna weer slapp un muss torügg in`t Bedd.
As se wat beter weer, fung dat Töven ok weer an. Nu töövde se, dat se dat Krankenhuus verlaten kunn. Aver de Dokters meenden dat weer noch neet so wied. Nu kweem dat Wekenenn. Denn word keen entlaten. Fenna muss wieder töven. Aver dat weer en Pläseer, wenn hör Keerl hör mit Rullstohl en lüttje Enn up de Straat hen un her schoov. Anner Dag sull se denn entlaten worden. Aver dat gung ok neet fix. De Swestern harren vööl to doon. Eerst wenn de Breev för de Huusdokter schrieven weer, kunn Fenna weg. Dat dürde denn twee Stünnen. As se de Breev in hör Hannen hull, weer se glückelk. Nu kunn se na Huus un se doch, dat Töven harr en Enn.
Dat weer aver neet so. To Huus murk Fenna, dat se hör Dagwark noch neet weer angahn kunn. Se kunn ja neet lopen. Nu seet se up´d Sofa, lesde in`t Maantbladd, stoppde Strümpen un keek in´d Kiekkaast. Se töövde dat hör Been beter wurr. Langsaam kreeg se hör old Starkde weer. Dat Been dee immer minner sehr. Mit Stütten kunn se en bietje lopen. De Dokters hebben hör vertellt, dat Helen Tied bruukt. Fenna muss sük gedülden. Se murk, hör Been word elke Dag beter. Nu wurr dat Töven lichter.
Fenna jumpt s´mörgens ut Bedd un makt sük un glieks an hör Dagwark. Eerst Upgav is Koffje koken un dat Frohstück för de Familie maken. Na´t Eten waskt se de Tassen un Tellers of. Daarna doot se smuddelig Tüg in´d Waskmaschin. Elke Dag makt se en Kamer schon, hangt natt Tüg up un kokt Middageten. Namiddags maak se geern in´t Tuun gahn un arbeiten bit dat de Sünn unnergeiht. Wenn se de hele Dag warkt hett, denn is se s`avends tofree mit sük un de Welt.
Dat was Fredag, Fenna wull de Tüg as elke Dag uphangen, do is se de Trapp andaal fallen. As se hör linke Foot hoogtillen wull, dee dat hellsk sehr un de Foot slackerde so sünnerbaar van en Sied up´d anner. Se reep hör Keerl un de kweem ok futt. He telefoneerde glieks mit de Reddendeenst. Fenna muss dat eerst Maal töven. Aver bloot tein Minüten. Denn kwemen de Mannlü van´d Reddendeenst un brochen hör na de Krankenhuus. Nu gung dat mit dat Töven so richtig los. Se kunn nich opereert worden, wiel dat Been so dick was.
Elke Mörgen muss se um söben Ühr upstahn. Um acht Ühr hett se Smacht, aver se muss töven bit dat en frünnelk Froo hör dat Eten broch. Denn tövde se up de Doktors. Na dat Middageten tövde se weer. Wenn hör Keerl of en Fründ hör dat Töven körter mook, freide se sük. An Maandag wurr se opereert un denn weer dat Töven neet so swar, wiel se schoon of was. Mit Tied hett se sük ok an`t Töven weent. Mitunner lesde se in en Book of se schreev en Breev. Dat best aver weer dat Unnerhollen mit de anner Froen an hör linke un rechte Sied. Da murk se gaar neet dat se töövde.
Na dree Dagen kreeg Fenna en Rullstohl. Nu kunn se dör dat hele Krankenhuus un ok vör de Ingang rullen. Dat weer en goode Plaats. Nu kunn se elke Besöker sehn. Un se truff ok enige Bekennden. En Fründin wull na de Hospizkoppel. Anner Fro wull hör Moder besöken. De Bedriever van de Flohmarkt beduurde, dat Fenna anner Sündag neet komen kunn. En Kolleeg weer ok in`t Krankenhuus. He see „Good Dag“ un „Tschüs“. He wull neet seggen wat he he harr. Mutt he ja ok neet. Fennas Utflög weren neet lang. Dat weer swar de Rullstohl an to drieven. Na kört Tied weer Fenna weer slapp un muss torügg in`t Bedd.
As se wat beter weer, fung dat Töven ok weer an. Nu töövde se, dat se dat Krankenhuus verlaten kunn. Aver de Dokters meenden dat weer noch neet so wied. Nu kweem dat Wekenenn. Denn word keen entlaten. Fenna muss wieder töven. Aver dat weer en Pläseer, wenn hör Keerl hör mit Rullstohl en lüttje Enn up de Straat hen un her schoov. Anner Dag sull se denn entlaten worden. Aver dat gung ok neet fix. De Swestern harren vööl to doon. Eerst wenn de Breev för de Huusdokter schrieven weer, kunn Fenna weg. Dat dürde denn twee Stünnen. As se de Breev in hör Hannen hull, weer se glückelk. Nu kunn se na Huus un se doch, dat Töven harr en Enn.
Dat weer aver neet so. To Huus murk Fenna, dat se hör Dagwark noch neet weer angahn kunn. Se kunn ja neet lopen. Nu seet se up´d Sofa, lesde in`t Maantbladd, stoppde Strümpen un keek in´d Kiekkaast. Se töövde dat hör Been beter wurr. Langsaam kreeg se hör old Starkde weer. Dat Been dee immer minner sehr. Mit Stütten kunn se en bietje lopen. De Dokters hebben hör vertellt, dat Helen Tied bruukt. Fenna muss sük gedülden. Se murk, hör Been word elke Dag beter. Nu wurr dat Töven lichter.
