Die Entstehung (und auch schon das Ende) eines komischen Namens.
Warum da Huwawa nimmer
Huwawa hoasst!
De Gschicht, de i enk heut dazöhl, hat si vor unendlich langer Zeit, wias nu koane Menschn af da Erdn gebm hat, zuatragn. Pflanzn freuli und d`Viecher san scho` da gwen, af de Wiesn sand d´Hasn und d` Reh umanandagsprunga, in Wasser haum si d` Fisch tummelt und d` Vogerl haum af de Bam zwitschert. Van Himmel drobm hat da liabe Gott z`friedn owagschaut, weil eahm de ganze Welt so guat glunga is und sei ganzer Hofstaat, va de Erzengln angfangt, über de Cherubim und Seraphim, bis owi (hinunter) zan kleanstn Hilfs-Unterengl, alle haums net aufghört, eahn Herrn und sei` Werk zan lobm und zan preisn. Nedda oana is dabei gwen, da Engl Luzifer - es werds de Gschicht eh nu ausn Kathechismus kenna - den hat da Neid fast gfressn, weil er des net zsaummbracht und de Huldigungen net entgegn nehma kinna hat! Oiweu hat er gstichlt, aufbegehrt und alle andern dagegn gredt, bis` denan so z`bled wordn is, dass`n van Himmel aussegschmissn haum!
Was aber in koan Religionsbüachl drin steht: Vor seiner Verbannung in d` Höll hat da Luzifer seine Wiedersacher nu was ganz boshafts z`Fleiß tan! Aus da himmlischn Bibliothek, de da Erzengl Gabriel verwaltet hat und wo ois über d` Welt aufgschriebm gwen is, hat er a Buach, des er zuafällig grad dawischn mögn hat, gstohln. Wiar a aufm Weg in d` Höll owi ban Fegefeuer vorbeigflogn is, hat ers dort einigschmissn und vabrennt!
Es hat si dabei um des "Buch der Vögel" ghandlt, und wia da Erzengl Gabriel den Valust bemerkt hat, war natürli guater Rat teuer. In den Buach warn nämli alle Vögl, was` af da Erdn gebm hat, aufgschriebm und abbildt und wia hätt denn jetzt nu wer wissn solln, wias alle hoassn? Ban Kuckuck oder ba de Krahn, de ja dauernd eahn Nam schrein, wa des eh koa Schwierigkeit gwen, aber mit "Oachlhäher, Oachlhäher", oder "Pinguin, Pinguin", meldt si do, wia jeder woass, koa Vogl!
So hat ma halt den Entschluß gfaßt, a Vogl-Sonderkommission" aufz`stelln, de alle gfiedertn Erdnbewohner wieder neuch erfasst und katalogisiert. Es is a göttlicher Erlass ausssagebm wordn, dass si alle Vögl innerhalb der nächstn drei Monat "zwecks Erfassung ihrer persönlichen Daten" am Berg Sinai einzfindn hättn! Alle Engerl, was verfügbar warn, sand af d` Erdn owigschickt wordn, dass de Order überall bekanntgebm und bald is a Fliagn und Flattern, a Renna und Schwimma losganga, wias d` Welt vorher nu nia gsehgn hat. Va alle Länder, Erdteile und Ozeane sand d` Vögl zan Berg Sinai hinzogn um, eahne Personalien bekanntzgebm!
An an großn Tisch is dort de Kommission gsessn, en Vorsitz hat natürli da Chef selber ghat, der hat an jedn Ankömmling nach Nam` und Herkunft gfragt und da Erzengl Gabriel hat ois fein säuberlich in a dicks Buach eintragn. Nebmbei is nu da Erzengl Raffael, der a begnadeter Zeichner und Maler gwen is, gsessn, der hat jedn Vogl sofort wunderschen porträtiert, va vorn und in Profil a. So genau und treffnd hat ers gmalnt, dass sogar da Herrgott bewundernd gmoant hat: „Also, so lang ma den Raffael haum, brauch ma uns gwiß um koan Fotografm umschaun!“
Weit weg van Berg Sinai, in a wunderschen, ru`ign Gegnd, de vül, vül späda amal en Nam "Mühlviertl"* kriagt hat, is da Vogl Huwawa dahoam gwen. Ba de Weiher und Bacherl is a dort umanandagstiegn, hat si Frösch, Schneckn, Käfer und kloane Fischerl gsuacht und a recht z`friedns und behaglichs Lebm gführt. So vatiaft is a in sein` täglichn Nahrungserwerb gwen, dass er va den himmlischn Erlass nix ghört und nix gsehgn hat! Wann eahm net a poar Wildantn, de als Nachzügler nu van hochn Nordn abakemma sand, den göttlichn Auftrag ausgricht hättn, hätt er`n wohl überhaupt nia erfahrn. So hat er si aber a am Weg nach Sinai owi gmacht, schen langsam und gmüatli, weil `s Hudln (Hasten) is damals a scho` net de Mühlviertler eah Sach gwen, da a Fröscherl, dort a Würmerl, hie und da a weng rastn, aber owikemma is er a!
De himmlische Voglkommission freuli is grad ban zsaummpacka gwen, weil se si neamds (niemand) mehr dawart (erwartet) hat, wia da Huwawa nu ban Berg Sinai ums Eck umagwachtert (herumgelatscht) kemma is. "Ja wen hauma denn da nu, wer bist`n leicht du"?, hatn da Himmelvater gfragt, a weng vorwurfsvoll, weil der Kerl so spat dran gwen is! En Huwawa hats agrad (geradezu) zsaummdraht vor lauter Schrocka, wiar a d` Stimm van gottoberstn Herrn af oamal direkt nebm eahm ghört hat! "I bis," (ich bin`s) hat a nedda vüragigatzn (hervorstossen) kinna, "i bis"!
"Ja, ja, is scho guat, wegn den muaßt ja net so dakemma“ (erschrecken), hatn da Allmächtige beruhigt und da Erzengl Gabriel hat sei Buach nu amal aufgschlagn und hat eintragn "IBIS"! Und seitdem hoasst da Huwawa ebm nimmer Huwawa, sondern Ibis! Is ah a schener Nam für an schen Vogl, aber weil er eh müad gwen is va da langen Roas und weils eahm a recht guat gfalln hat, is a glei dort bliebm, in dera Gegnd! Am Nil, wo`s oi Jahr so riesengroßeHochwasser gebm hat, hat a si hoamisch gmacht und Urzeitn späda is a dort sogar heilig gsprochn wordn, va de altn Ägypter! Des is im übrign wieder amal a Beweis, dass` d` Mühlviertler überall af da Welt za was bringan!
So, jetzt wissts es, warum da Huwawa nimmer Huwawa hoasst und wanns enk intressiert, va wo i de Gschicht her han - da Widiwu hat ma`s dazöhlt, aber wer des is und was mit den af sich hat, des is wieder ganz a andere Gschicht, de dazöhl i enk vielleicht späda amoil!
* Östlich von Passau zwischen Donau und Böhmerwald gelegener, wald- und steinreicher Nordteil von Oberösterreich.
Warum da Huwawa nimmer
Huwawa hoasst!
De Gschicht, de i enk heut dazöhl, hat si vor unendlich langer Zeit, wias nu koane Menschn af da Erdn gebm hat, zuatragn. Pflanzn freuli und d`Viecher san scho` da gwen, af de Wiesn sand d´Hasn und d` Reh umanandagsprunga, in Wasser haum si d` Fisch tummelt und d` Vogerl haum af de Bam zwitschert. Van Himmel drobm hat da liabe Gott z`friedn owagschaut, weil eahm de ganze Welt so guat glunga is und sei ganzer Hofstaat, va de Erzengln angfangt, über de Cherubim und Seraphim, bis owi (hinunter) zan kleanstn Hilfs-Unterengl, alle haums net aufghört, eahn Herrn und sei` Werk zan lobm und zan preisn. Nedda oana is dabei gwen, da Engl Luzifer - es werds de Gschicht eh nu ausn Kathechismus kenna - den hat da Neid fast gfressn, weil er des net zsaummbracht und de Huldigungen net entgegn nehma kinna hat! Oiweu hat er gstichlt, aufbegehrt und alle andern dagegn gredt, bis` denan so z`bled wordn is, dass`n van Himmel aussegschmissn haum!
Was aber in koan Religionsbüachl drin steht: Vor seiner Verbannung in d` Höll hat da Luzifer seine Wiedersacher nu was ganz boshafts z`Fleiß tan! Aus da himmlischn Bibliothek, de da Erzengl Gabriel verwaltet hat und wo ois über d` Welt aufgschriebm gwen is, hat er a Buach, des er zuafällig grad dawischn mögn hat, gstohln. Wiar a aufm Weg in d` Höll owi ban Fegefeuer vorbeigflogn is, hat ers dort einigschmissn und vabrennt!
Es hat si dabei um des "Buch der Vögel" ghandlt, und wia da Erzengl Gabriel den Valust bemerkt hat, war natürli guater Rat teuer. In den Buach warn nämli alle Vögl, was` af da Erdn gebm hat, aufgschriebm und abbildt und wia hätt denn jetzt nu wer wissn solln, wias alle hoassn? Ban Kuckuck oder ba de Krahn, de ja dauernd eahn Nam schrein, wa des eh koa Schwierigkeit gwen, aber mit "Oachlhäher, Oachlhäher", oder "Pinguin, Pinguin", meldt si do, wia jeder woass, koa Vogl!
So hat ma halt den Entschluß gfaßt, a Vogl-Sonderkommission" aufz`stelln, de alle gfiedertn Erdnbewohner wieder neuch erfasst und katalogisiert. Es is a göttlicher Erlass ausssagebm wordn, dass si alle Vögl innerhalb der nächstn drei Monat "zwecks Erfassung ihrer persönlichen Daten" am Berg Sinai einzfindn hättn! Alle Engerl, was verfügbar warn, sand af d` Erdn owigschickt wordn, dass de Order überall bekanntgebm und bald is a Fliagn und Flattern, a Renna und Schwimma losganga, wias d` Welt vorher nu nia gsehgn hat. Va alle Länder, Erdteile und Ozeane sand d` Vögl zan Berg Sinai hinzogn um, eahne Personalien bekanntzgebm!
An an großn Tisch is dort de Kommission gsessn, en Vorsitz hat natürli da Chef selber ghat, der hat an jedn Ankömmling nach Nam` und Herkunft gfragt und da Erzengl Gabriel hat ois fein säuberlich in a dicks Buach eintragn. Nebmbei is nu da Erzengl Raffael, der a begnadeter Zeichner und Maler gwen is, gsessn, der hat jedn Vogl sofort wunderschen porträtiert, va vorn und in Profil a. So genau und treffnd hat ers gmalnt, dass sogar da Herrgott bewundernd gmoant hat: „Also, so lang ma den Raffael haum, brauch ma uns gwiß um koan Fotografm umschaun!“
Weit weg van Berg Sinai, in a wunderschen, ru`ign Gegnd, de vül, vül späda amal en Nam "Mühlviertl"* kriagt hat, is da Vogl Huwawa dahoam gwen. Ba de Weiher und Bacherl is a dort umanandagstiegn, hat si Frösch, Schneckn, Käfer und kloane Fischerl gsuacht und a recht z`friedns und behaglichs Lebm gführt. So vatiaft is a in sein` täglichn Nahrungserwerb gwen, dass er va den himmlischn Erlass nix ghört und nix gsehgn hat! Wann eahm net a poar Wildantn, de als Nachzügler nu van hochn Nordn abakemma sand, den göttlichn Auftrag ausgricht hättn, hätt er`n wohl überhaupt nia erfahrn. So hat er si aber a am Weg nach Sinai owi gmacht, schen langsam und gmüatli, weil `s Hudln (Hasten) is damals a scho` net de Mühlviertler eah Sach gwen, da a Fröscherl, dort a Würmerl, hie und da a weng rastn, aber owikemma is er a!
De himmlische Voglkommission freuli is grad ban zsaummpacka gwen, weil se si neamds (niemand) mehr dawart (erwartet) hat, wia da Huwawa nu ban Berg Sinai ums Eck umagwachtert (herumgelatscht) kemma is. "Ja wen hauma denn da nu, wer bist`n leicht du"?, hatn da Himmelvater gfragt, a weng vorwurfsvoll, weil der Kerl so spat dran gwen is! En Huwawa hats agrad (geradezu) zsaummdraht vor lauter Schrocka, wiar a d` Stimm van gottoberstn Herrn af oamal direkt nebm eahm ghört hat! "I bis," (ich bin`s) hat a nedda vüragigatzn (hervorstossen) kinna, "i bis"!
"Ja, ja, is scho guat, wegn den muaßt ja net so dakemma“ (erschrecken), hatn da Allmächtige beruhigt und da Erzengl Gabriel hat sei Buach nu amal aufgschlagn und hat eintragn "IBIS"! Und seitdem hoasst da Huwawa ebm nimmer Huwawa, sondern Ibis! Is ah a schener Nam für an schen Vogl, aber weil er eh müad gwen is va da langen Roas und weils eahm a recht guat gfalln hat, is a glei dort bliebm, in dera Gegnd! Am Nil, wo`s oi Jahr so riesengroßeHochwasser gebm hat, hat a si hoamisch gmacht und Urzeitn späda is a dort sogar heilig gsprochn wordn, va de altn Ägypter! Des is im übrign wieder amal a Beweis, dass` d` Mühlviertler überall af da Welt za was bringan!
So, jetzt wissts es, warum da Huwawa nimmer Huwawa hoasst und wanns enk intressiert, va wo i de Gschicht her han - da Widiwu hat ma`s dazöhlt, aber wer des is und was mit den af sich hat, des is wieder ganz a andere Gschicht, de dazöhl i enk vielleicht späda amoil!
* Östlich von Passau zwischen Donau und Böhmerwald gelegener, wald- und steinreicher Nordteil von Oberösterreich.