Als ich domols als junger Mäschder inn de Baumschul agefange hann, hänn mir en Lehrbuh gehatt, es klää Herrmänsche.
Pfiffich unn kräftich warer, nur halt e bissel klää gerote, son richtiche laafende Meeder.
Ämol hann ich en ins Sägewerk mim Traktor unn dem große Kipperahhänger geschickt um Sägemehl zu hole. Des hänn mir gebraucht, fer die junge Roseplänzcher zu ibberwintere. Traktor hott der Winzling als Bauresohn besser gefahre, als die Alte.
Wie er dann kumme is mit dere Rieseladung, hot er se uff unserm Feldweeg direkt neber de Bundesstroß abgekippt.
Des war e Staabwolk, die hot ausgesehe wie en Atompilz, unn die Auto wo gerad vorbeigefahre sinn, hänn all ausgesehe, wie frisch gepudert.
Schännende Autofahrer uffem Hof, die Polizei is gerufe worre unn de Chef hot geflucht wie en Bierkutscher.
Dezwische des arm Herrmännsche mit hängende Schultere, die Träne hänn em in de Aache gestann.
Unn saht uff ämol "wär ich doch bloß als klääner Bub gestorbe"
Die Polizischde hänn sich de Bauch vor Lache gehall, die Autofahrer konnten sich es Lache aach net verbeiße und de Chef hot laut losgelacht, was bei demm nur alle Karfreitach emol vorkumme is.
Seit dere Zeit is der Spruch mit mir gewannert. Unn wann immer Wer zornich uff mich war, weil ich Mischt gebaut hatt, hann ich en zum Lache gebrung mit demm als klääner Bub gestorbe
ich hanns Herrmänsche aus de Aache veloor abber so fit, wie des Kerlche war, isser gewiss en guude weeg gange
Pfiffich unn kräftich warer, nur halt e bissel klää gerote, son richtiche laafende Meeder.
Ämol hann ich en ins Sägewerk mim Traktor unn dem große Kipperahhänger geschickt um Sägemehl zu hole. Des hänn mir gebraucht, fer die junge Roseplänzcher zu ibberwintere. Traktor hott der Winzling als Bauresohn besser gefahre, als die Alte.
Wie er dann kumme is mit dere Rieseladung, hot er se uff unserm Feldweeg direkt neber de Bundesstroß abgekippt.
Des war e Staabwolk, die hot ausgesehe wie en Atompilz, unn die Auto wo gerad vorbeigefahre sinn, hänn all ausgesehe, wie frisch gepudert.
Schännende Autofahrer uffem Hof, die Polizei is gerufe worre unn de Chef hot geflucht wie en Bierkutscher.
Dezwische des arm Herrmännsche mit hängende Schultere, die Träne hänn em in de Aache gestann.
Unn saht uff ämol "wär ich doch bloß als klääner Bub gestorbe"
Die Polizischde hänn sich de Bauch vor Lache gehall, die Autofahrer konnten sich es Lache aach net verbeiße und de Chef hot laut losgelacht, was bei demm nur alle Karfreitach emol vorkumme is.
Seit dere Zeit is der Spruch mit mir gewannert. Unn wann immer Wer zornich uff mich war, weil ich Mischt gebaut hatt, hann ich en zum Lache gebrung mit demm als klääner Bub gestorbe
ich hanns Herrmänsche aus de Aache veloor abber so fit, wie des Kerlche war, isser gewiss en guude weeg gange