i moch ma rundumadum Sorgn

I moch mir solche Sorgn um Brasilien
und doß oans vo de Reptilien
oan Brasilianer zreißt - so a Gfrast
glaubts mas, i woaß wos Mitleid hoaßt.

De Not von de Menschen konn i net segn,
i moch mir a Sorgn um de Pygmäen
und a Gedonkn um de Zulu
und um Senioren in Honolulu.
Do on den wos do bei uns passiert,
jo do bin i eigentli net so intressiert,
do gibt’s Ondare de schaun si um –
i bin beschäftigt rundumadum.
I denk on de Kinder bei de Chinesn,
wos da Nochboar is in Spital drinn gwesn?
Der stellt si jo nur so potschert o
mochts koa Tam tam wegn den oidn Mo.
I denk on de kronkn oarmen Kurden
und de Waisnkinder oben im Norden.
De Maierin drübn hobns übafalln?
Jo, wonns so bled is und loßt sies g`falln.
Mit meine Gedonkn bin i auf da gonzn Welt,
mir tuats weh, doß an so vü fehlt.
I bin fiar olle Menschn do,
Hauptsoch se kumman mir net z`noh.