Linien

Wege und Straßen

Obwoi i den Weg
scho so oft gfundn hab,
muass i
jedsmoi wieda suacha,
wo a ofangt.
Wars zwischen deine Augenbraun
oder hintern Ohr?
oder aba am Nacknwiabe?

Obwoi i den Weg
scho so oft ganga bin,
muass i
jedsmoi wieda suacha,
wia s weida geht.
Wars zwischen deine Schulterblattl
oda in da Schlüsslboagruam?
oda aba am Brustboa?

Obwoi i den Weg
scho so oft verlorn hab,
kimm i
jedsmoi wieda da o,
wo i hi mecht.
Wars untn bei de Zechan?
oda bei de Knia?
oda aba a bissal weida om?

g. g.

nei getääd

nei getääd
hewwischse
unsa schdross
jezad renne am wia
als die schdross entlong
imma schnella
imma heischa
und londe gonz vabaasd
in unsam bett
nei getääd
kääd se halt
imma wia

i suach an wegmocher.....

auch diese wege mussen gepflegt werden ;-))))

varwildert, varwochsen
schon long neamb mehr gongen
de weglen und stroßn
bin mit nix zen daglongen
schwar hängt de nocht
von olle seiten ins gmiat
schon long nehama glocht
ka liabele gspiert

such an wegmocher heint
der die krasn tat schnaten
dos die sun eine scheint
bis her in die fratn
und die liab de tat blüahn
und es brünnle tat rienen
tat an jeden gern gspürn
braucht lei wegmochn kienen


;-)))

Monika