Aufschreiber
Mitglied
Dor Flori, der wor schon immor so e rischdschor tiepschor Kaffesaxe. Der kunnt das Zeusch liddorweise neinkiebln. - Awer heese musstor sein...
Manichesmaa haddsch ja schon e bissl Schbuntes, dass der maa enn Herzkaschbor krischt...
Heide frieh awer, da kam der Kerlich dodaal offgeleest, un mit enn Kaffeflegge offn Hemde. Ich hab mor nor glei gedacht, dass da irschndewas inn Busche sein muss. No schednfalls issor - mit letzdor Kraft - zen Audomahdn hin un hat sisch en riesschn Bott heesn abgezabbt. Mir sin balde de Guggln dorvongekullort, das kann'sch eich sachn. Dor Flori, das is nehmlisch eschntlich e Gurrmeh. Der seift kehn automatischn Kaffe nich.
Nu habschn erschtema an sein Lehmselixire nibbln lassn un dann binsch (gans vorsichtsch) hin un hab bleede nangefraacht:
"Sachema, Flori, wassn eschntlich heide loos?"
"Heer mor bloos off", hatter geschnauft und dann orzaehlt...
"Gesdorn ahmd haddsch doch ene dodaal heese Schnalle offgegablt. Die hadde schon e bissl was gebeschort un wollde mit bei mir heeme.
Also, mor is ja nu ooch kee Kostvoraeschdor, also habsch mor die undorgehaagt und ab de Bost, in mei Liebesnest.
Wiesch die inn drittn Schdogg noff bugsiert hadde, wolltse noch en scheen Kaffee, damit se hindorher oo richdsch losgeht, wie sone Vau eens.
Isch daggl in de Kische un was is? Keene Bohn'n mer da.
Nu wars schonn ziemlich frieh un ich bin eefach zenn Nachbarn hin un geklinglt.
Der muss in de Frieschischd.
Hat mor oo e baar Bohn geliehn...
Die habsch scheen gemahln un gebrieht, mit main Schbeziahlrezebt.
Un wiesch mit denn Tranke in de guhde Schdube kumm, lieschd das Maedl doch schbliddofasornacksch offm Kannappee un ratzt, dass'sch gedacht hab, die will meine alde Oddomahne zu Zahnschdochorn saeschn.
Awer dor Onkl flori laesst sich ja nu ni soo ehfach ins Boggshorn jaachn, also habsch der ehfach denn Zinkn zugehaldn un hab der den Kaffe nain die Zuggorschnuhde getraeuflt.
Wie dor Eddnah is die eggsplodiert, hat mor de gansn Klamoddn vollgeschbritzt un dann hattse sich numm gedreht un waidor geschnarscht.
Un Isch? Isch hab vorsucht, mai Gemisch wiedor aus denn Klamoddn zu krieschn. Awer das Zeusch is wie Deer.
Un irschndewann binsch dann ooh eigeniggt.
Nu, un als'sch offgewachd bin, war de Guhde wegg un hadd e Zeddele hingeleeschd, dass se misch weschn "vorsuchdn Mord" drankrieschn will.
Ich bin wie dor Dieschor in denn Bau rumgerannt un hab keen Kaffee mehr gehabt, denn den haddsch der Schnepfe ja gehm wolln. Un dor Nachbor war oo wegg... Un nu mussch hald die Audomatnplembe saufm."
Und dann haddor dor Flori doch enn riesschn Hieb geschlueft und schbrudlt mir das Zeusch voll ieber dn Wanst. Mei neies Hemde is nu braun - un sogaar das Krokodill, was da neingeschdiggt is...
Das war nu ni soo freindlisch.
Un dann haddor sich das Zeusch vonn dor Schnude Gewischt und gemeent:
"Schaisdregg, isch schdaig off Dee umm."
Un so had die Schnalle den Kerlich ehfach von seinor Kaffeesauferei geheilt.
Un das is dor oo e Orfolg, wemmer sisch das begengt.
Manichesmaa haddsch ja schon e bissl Schbuntes, dass der maa enn Herzkaschbor krischt...
Heide frieh awer, da kam der Kerlich dodaal offgeleest, un mit enn Kaffeflegge offn Hemde. Ich hab mor nor glei gedacht, dass da irschndewas inn Busche sein muss. No schednfalls issor - mit letzdor Kraft - zen Audomahdn hin un hat sisch en riesschn Bott heesn abgezabbt. Mir sin balde de Guggln dorvongekullort, das kann'sch eich sachn. Dor Flori, das is nehmlisch eschntlich e Gurrmeh. Der seift kehn automatischn Kaffe nich.
Nu habschn erschtema an sein Lehmselixire nibbln lassn un dann binsch (gans vorsichtsch) hin un hab bleede nangefraacht:
"Sachema, Flori, wassn eschntlich heide loos?"
"Heer mor bloos off", hatter geschnauft und dann orzaehlt...
"Gesdorn ahmd haddsch doch ene dodaal heese Schnalle offgegablt. Die hadde schon e bissl was gebeschort un wollde mit bei mir heeme.
Also, mor is ja nu ooch kee Kostvoraeschdor, also habsch mor die undorgehaagt und ab de Bost, in mei Liebesnest.
Wiesch die inn drittn Schdogg noff bugsiert hadde, wolltse noch en scheen Kaffee, damit se hindorher oo richdsch losgeht, wie sone Vau eens.
Isch daggl in de Kische un was is? Keene Bohn'n mer da.
Nu wars schonn ziemlich frieh un ich bin eefach zenn Nachbarn hin un geklinglt.
Der muss in de Frieschischd.
Hat mor oo e baar Bohn geliehn...
Die habsch scheen gemahln un gebrieht, mit main Schbeziahlrezebt.
Un wiesch mit denn Tranke in de guhde Schdube kumm, lieschd das Maedl doch schbliddofasornacksch offm Kannappee un ratzt, dass'sch gedacht hab, die will meine alde Oddomahne zu Zahnschdochorn saeschn.
Awer dor Onkl flori laesst sich ja nu ni soo ehfach ins Boggshorn jaachn, also habsch der ehfach denn Zinkn zugehaldn un hab der den Kaffe nain die Zuggorschnuhde getraeuflt.
Wie dor Eddnah is die eggsplodiert, hat mor de gansn Klamoddn vollgeschbritzt un dann hattse sich numm gedreht un waidor geschnarscht.
Un Isch? Isch hab vorsucht, mai Gemisch wiedor aus denn Klamoddn zu krieschn. Awer das Zeusch is wie Deer.
Un irschndewann binsch dann ooh eigeniggt.
Nu, un als'sch offgewachd bin, war de Guhde wegg un hadd e Zeddele hingeleeschd, dass se misch weschn "vorsuchdn Mord" drankrieschn will.
Ich bin wie dor Dieschor in denn Bau rumgerannt un hab keen Kaffee mehr gehabt, denn den haddsch der Schnepfe ja gehm wolln. Un dor Nachbor war oo wegg... Un nu mussch hald die Audomatnplembe saufm."
Und dann haddor dor Flori doch enn riesschn Hieb geschlueft und schbrudlt mir das Zeusch voll ieber dn Wanst. Mei neies Hemde is nu braun - un sogaar das Krokodill, was da neingeschdiggt is...
Das war nu ni soo freindlisch.
Un dann haddor sich das Zeusch vonn dor Schnude Gewischt und gemeent:
"Schaisdregg, isch schdaig off Dee umm."
Un so had die Schnalle den Kerlich ehfach von seinor Kaffeesauferei geheilt.
Un das is dor oo e Orfolg, wemmer sisch das begengt.