Walther
Mitglied
Då drom
I hao dr’s gsait – sell isch mr blieba
Sogar in Versla hann dr‘s gschrieba!
On nix håd’s gholfa – närmed nix.
Zvill Angschd gheet, domm deegd, komm, i schick’s,
Heit be i gscheidr, bißle zschbäd.
Etz isch mr‘s wia a Soit weg Bräd,
Mr hangd dr Meggl faschd am Sack.
Ob i‘s vrläb, ob i dees pack?
Dätsch mr bidde blooß dees glauba:
Schdemmd, manchmål gheer i zu de Dauba,
Dia wennd ed schnalla on kapiera.
Då lieg i schao uff älla viera,
I kiss dr d’Fiaß bis nuff an‘n Schlipfr.
Schpreng ommanand wia d’Fasnethipfr
On schrei dr ganza Flegga zeema,
Dädsch zom Vrzeia di bequeema!
Sei ed so hard, hao’s ed so gmoint,
I woiß i hao’s å d‘Wåhd nå gloint.
Bisch du mr guad, bleib i am Läba.
I däd etz älles då drom gäba!
I hao dr’s gsait – sell isch mr blieba
Sogar in Versla hann dr‘s gschrieba!
On nix håd’s gholfa – närmed nix.
Zvill Angschd gheet, domm deegd, komm, i schick’s,
Heit be i gscheidr, bißle zschbäd.
Etz isch mr‘s wia a Soit weg Bräd,
Mr hangd dr Meggl faschd am Sack.
Ob i‘s vrläb, ob i dees pack?
Dätsch mr bidde blooß dees glauba:
Schdemmd, manchmål gheer i zu de Dauba,
Dia wennd ed schnalla on kapiera.
Då lieg i schao uff älla viera,
I kiss dr d’Fiaß bis nuff an‘n Schlipfr.
Schpreng ommanand wia d’Fasnethipfr
On schrei dr ganza Flegga zeema,
Dädsch zom Vrzeia di bequeema!
Sei ed so hard, hao’s ed so gmoint,
I woiß i hao’s å d‘Wåhd nå gloint.
Bisch du mr guad, bleib i am Läba.
I däd etz älles då drom gäba!