Englhauser
Mitglied
Frau Resi Holle
A Wittfrau hod zwoa dechda ghobt, oane war a sowos von schee und d Arbad is ihra a leichd von da Hand ganga.
De anda war schiach und sowos von gschdingad faul, ma mechds gar ned glam.
Mei i sogs eich, de Fleißige hod wergln miassn, bis zum umfoin und des blos weis ned de leibliche dochda war.
Auf dnachd is imma am brunna ghogd und hod gschbunna, bis bluad aus de finga gschbridzt is. Oamoi hods ned aufbasst und de Spindl is ihra in brunna eini gfoin.
De Oide war fuchsdeifiswuid, ois des erfahrn hod und hod zu dem arma derndl gsogd, sie soi einihupfa und des drum wieda hoin.
Gread hods wia a Schlosshund, Angst hods ghobt wia a Bibbahendl, aba gmachd hod ses dann doch.
Damisch is ihra woan und wias wieda aufgwachd is, is dogflagd auf a brudal schena Wiesn.
Deng hod se sie, jetzt gähsd amoi a bissal umananda und schaugsd wos do so los is.
Auf oamoi siegds an Backofa, do war a sovui brod drin, da pure Wahnsinn.
Na fangan de ano s schrein o: „Ziag uns aussa, mia san scho lang duachbacha.“
Des Madl machds und gähd weida.
Auf oamoi siegds an Apfebahm, do warn sovui Äpfe drohm, da pure Wahnsinn.
A de hams schrein ogfangd: „Hau uns owe, mia san scho dermaßen von reif.“
Des Madl foigd wieda und gähd weida.
Ned fui schbada is an a heisl kema, do hod a greisliche Frau rausgschaud und gsogd:
“Hä, Du, I bin de Holle Resl, I brauchad dringend a dian, de ma an haushoid machd und a bissal de Bettn ausschiddld, hosd Lust?“
Gesagt, getan, des Diandl hod deamaßn umanandgschiddld, doß undn auf da Erdn beinah a Schnäkaddaschdrof gehm häd.
Aba noch a gewissn Zeit, hods Hoamwäh griagd und d Res hods a geh lossn.
„Füa de guad gmachde Arbad, griagst entweder den blaun Umschlog, oder des Tor 1.“
Sie hod se na für des Tor 1 endschiedn und des war guad so, wie do war a Ferrari-Testorosa drin; mid dem was na schnäi dahoam, do hods dann ois vozäit wos bassiert is.
D Stiafmuadda is von de Sogga gfoin und hod zu ihra leiblichen dochda gsogt:
„Zu dera Schou gähsd a hi.“ Guad sie hupft in Brunna eini und a sie kimd beim Backofa voabei. Wieda desäibe Spui, bloß duad de des Brod ned aussa, a beim Apfebahm losds de Äpfe drohm.
Dann bei der Holle Resi okehma, sogds glei: „I mechd füa die oabaddn, abas Dieredari muaß scho schdimma.“
Goabbad hods ned vui, bis da Resi z bläd woan is und sie endlassn hod. Aba gans ohne Lohn woidses a ned geh lossn.
“Blaua Umschlog oda Tor 1?“ „Natürli Tor 1, is do logisch.“
Pfiffkaas, koan Ferrari, sondan an oidn Warthburg hods gwunna.
Und die Moral von der Geschicht: Traue keinem Arbeitgeber oder Quizzmaster, auch wenn es die Frau Holle ist.
A Wittfrau hod zwoa dechda ghobt, oane war a sowos von schee und d Arbad is ihra a leichd von da Hand ganga.
De anda war schiach und sowos von gschdingad faul, ma mechds gar ned glam.
Mei i sogs eich, de Fleißige hod wergln miassn, bis zum umfoin und des blos weis ned de leibliche dochda war.
Auf dnachd is imma am brunna ghogd und hod gschbunna, bis bluad aus de finga gschbridzt is. Oamoi hods ned aufbasst und de Spindl is ihra in brunna eini gfoin.
De Oide war fuchsdeifiswuid, ois des erfahrn hod und hod zu dem arma derndl gsogd, sie soi einihupfa und des drum wieda hoin.
Gread hods wia a Schlosshund, Angst hods ghobt wia a Bibbahendl, aba gmachd hod ses dann doch.
Damisch is ihra woan und wias wieda aufgwachd is, is dogflagd auf a brudal schena Wiesn.
Deng hod se sie, jetzt gähsd amoi a bissal umananda und schaugsd wos do so los is.
Auf oamoi siegds an Backofa, do war a sovui brod drin, da pure Wahnsinn.
Na fangan de ano s schrein o: „Ziag uns aussa, mia san scho lang duachbacha.“
Des Madl machds und gähd weida.
Auf oamoi siegds an Apfebahm, do warn sovui Äpfe drohm, da pure Wahnsinn.
A de hams schrein ogfangd: „Hau uns owe, mia san scho dermaßen von reif.“
Des Madl foigd wieda und gähd weida.
Ned fui schbada is an a heisl kema, do hod a greisliche Frau rausgschaud und gsogd:
“Hä, Du, I bin de Holle Resl, I brauchad dringend a dian, de ma an haushoid machd und a bissal de Bettn ausschiddld, hosd Lust?“
Gesagt, getan, des Diandl hod deamaßn umanandgschiddld, doß undn auf da Erdn beinah a Schnäkaddaschdrof gehm häd.
Aba noch a gewissn Zeit, hods Hoamwäh griagd und d Res hods a geh lossn.
„Füa de guad gmachde Arbad, griagst entweder den blaun Umschlog, oder des Tor 1.“
Sie hod se na für des Tor 1 endschiedn und des war guad so, wie do war a Ferrari-Testorosa drin; mid dem was na schnäi dahoam, do hods dann ois vozäit wos bassiert is.
D Stiafmuadda is von de Sogga gfoin und hod zu ihra leiblichen dochda gsogt:
„Zu dera Schou gähsd a hi.“ Guad sie hupft in Brunna eini und a sie kimd beim Backofa voabei. Wieda desäibe Spui, bloß duad de des Brod ned aussa, a beim Apfebahm losds de Äpfe drohm.
Dann bei der Holle Resi okehma, sogds glei: „I mechd füa die oabaddn, abas Dieredari muaß scho schdimma.“
Goabbad hods ned vui, bis da Resi z bläd woan is und sie endlassn hod. Aba gans ohne Lohn woidses a ned geh lossn.
“Blaua Umschlog oda Tor 1?“ „Natürli Tor 1, is do logisch.“
Pfiffkaas, koan Ferrari, sondan an oidn Warthburg hods gwunna.
Und die Moral von der Geschicht: Traue keinem Arbeitgeber oder Quizzmaster, auch wenn es die Frau Holle ist.