flying theo
Mitglied
I glaabs ja net!
Freili, i woas scho, damois wia ma no im Gymnasium war´n ham ma an Seneca übasetz´n müassn. Der hot domois scho g´schriem:
De Jugend is ohne jede Ehrfurcht vor´m Oita, wui si blos da Vergnügung hige´m und übahaupt nix mehr arbatn. Blos no de Oit´n auf da Tasch´n liegn, und den Rest de Götta übalass´n.
Wenns demnoch gang, na war ma scho längst ausgschtorm. Wei´s ja nia nimma umganga waar. Oiso muas zwischn drinn oiwei wos passiern, wos uns ältare regelmässig auskimmt. Mia kimmt vüa ois taat vo Zeit zu Zeit oiwei irgend eppa an Hewe umleg´n, und dann wer´n de deppatn Junga auf aamoi gscheide Erwachsene.
Anders kon´s ja net sei. Blos uns Äidane kimmt des oiwei aus. Vielleicht liegt des aa do dro, das mia mit da Zeit füa dees einfach z´blääd wern?
Aba wann is na dees passiert? I bin doch ollawei dabei gwen. Und i moanat aa, das i oiwei no da selbige bin.
D´Maadl gfoin ma oiwei no. Blos blääd is, das inzwischn de Madl im Bus aufstengan und mir Plotz machan. Do kenn´stas dann dass si doch wos voändat hot.
Freili, i woas scho, damois wia ma no im Gymnasium war´n ham ma an Seneca übasetz´n müassn. Der hot domois scho g´schriem:
De Jugend is ohne jede Ehrfurcht vor´m Oita, wui si blos da Vergnügung hige´m und übahaupt nix mehr arbatn. Blos no de Oit´n auf da Tasch´n liegn, und den Rest de Götta übalass´n.
Wenns demnoch gang, na war ma scho längst ausgschtorm. Wei´s ja nia nimma umganga waar. Oiso muas zwischn drinn oiwei wos passiern, wos uns ältare regelmässig auskimmt. Mia kimmt vüa ois taat vo Zeit zu Zeit oiwei irgend eppa an Hewe umleg´n, und dann wer´n de deppatn Junga auf aamoi gscheide Erwachsene.
Anders kon´s ja net sei. Blos uns Äidane kimmt des oiwei aus. Vielleicht liegt des aa do dro, das mia mit da Zeit füa dees einfach z´blääd wern?
Aba wann is na dees passiert? I bin doch ollawei dabei gwen. Und i moanat aa, das i oiwei no da selbige bin.
D´Maadl gfoin ma oiwei no. Blos blääd is, das inzwischn de Madl im Bus aufstengan und mir Plotz machan. Do kenn´stas dann dass si doch wos voändat hot.