Bitte sich folgende Szene vorzustellen: Die Frau Hausmeisterin ist mit Straßenkehren beschäftigt, als die Gemahlin des örtlichen Arztes ihr nicht mehr entkommen kann.
Joh griaß eana Frau Dogda! Wia geehds am Herrn Gemahl? Wos a Rinusidis hod a? Geeh etza woins mi aba fobbn gei? Des is doch so a Viech vo de Afrigana. Mit so am Horn am Hirnkastl, oda auf da Nosn. Wia? An Schnubfn hod a Herr Dogda? Joh segns, do homs mi etza aba net drogriagd gei? I wea doch wissn wie des Viech vo de Afrigana hoast.
Aba wei ma grod davo redn. Mei Schorschi hot a allerwei glei an Schnubfa wanns a bissl koid wead. I sogs eana, der raispad und niast nacha umananda, daß ma moana mechat er miasad glei steam. Wia? Da Dogda ligt scho a ganze Wochn in Bett? Joh mei, wenn der amoi net a Inflation dawischt hod. Des koohn fei bähs ausgeh so a Inflation. Mei Oba is seinerzeit an soebas gschtorm. Aba gengans, des hod doch nix mit'm Gaid zum doa, wann ma Fiaba hod und in Bett lign muaß. Hechstns wei ma nacha net zun abeitn geh ko. Aba mei Schorschi der geeht nacha imma zun Dogda und der schreibd'n nacha grang. Nacha griagt a ja a Gaid vo da Kassa.
Abrobos Kassa: Wiss'ns wen i aftletzt in Subamagd droffn hob? D'Frisörin vo da Numma fümpf. Mei I sogs eana, de woar a so aufdaglt de oide Fregaddn, mit ihrane roudn Hoa. Glaam etz sie des das de net g'ferbt is? I glaab's ja net. So roude Hoa hod doch koana vo seiba. I woas ja net: Wia ko ma sie bloss aso zamrichtn. Aba gei, a scheene Dauawainhods ma letzte wochn gmacht. Do schaugns her, i hob seit letztn Montag net Kopfwaschn miasn so guat hebt des. Jöh, da schaugns umme, do kimmts ja eh. Nah, also wenns mi frong, des is geferbt.
"Joh grias eana. Schee das ma eana amoi sigt. Sanns aufm Weg in Salong gei? Joh is schee weda heit. Eana a an scheen Tog no!"
Homs etza des gseng? Wia de wida ogmoid woa. Wia a Babagei gei?
Sie wei ma grod vo de Babagei redn. Mir woan ja den Summa auf de Kanarischen in de Ferien. Do homs a an haufa Babagei und so a scheens Weda alle Dog. Aba dreckat is des do. Do muaß ma ja as Dringwassa in Subamagd kaffa, wei's an soichen Dregg in de Wassaleidunga ham. Wiss'ns mia hom do so an Bungalo kabt. Mei Schorschi vadrogt doch des ausländische Essn in de Hotel net guat, und aussadem drau i ja denen Zimmermadln dene schbanischn net gei. Da butz i liaba seiba, nacha woas i das sauba is. Etza stain's eana des amoi vor. Bei dene do gibds netamoi a Gnedlbrod. 14 Dog koane Semmegnedl - bloß Nudl und Gadoffe.
Mei und des Zeig wos de do hom gei. Ois steed in schbanisch auf de Sacha drauf. Wia soi si denn da oans auskenna? Do woas ma ja goanet recht, waos ma do so kaaft. Joh i hob hoit nacha des Zeig kaaft, wo i de Fabagung kennt hob. Bled wo blos das mei Schorschi scho boid kann Schoglad mehr megn hod. Stain eana des amoi foa. Auf de Kanarischn gibts an echtn Milga-Schoglad.
Ah so se woan in Island auf Ualaub. Ja is des net recht koid durtn? Ned? Ah etza woas i's. De hom doch do de ganzen Geischas, de wo des hoase Wassa umananda schbritzn dean. Des is aba ganz schee gefealich gei? Homs den do koa Angst kobt das eana vabrian?
Jo songs amoi Frau Dogda. I hob moand se warn gebüldet. Geisire des san doch de jabanischen Kainarinna, de wo in de Deehaisa an Dee bringan. Net? Joh ich moa scho...
Joh eana a an scheen Dog no Frau Dogda und guade Bessarung füa an Herrn Dogda sei Inflation.
Joh griaß eana Frau Dogda! Wia geehds am Herrn Gemahl? Wos a Rinusidis hod a? Geeh etza woins mi aba fobbn gei? Des is doch so a Viech vo de Afrigana. Mit so am Horn am Hirnkastl, oda auf da Nosn. Wia? An Schnubfn hod a Herr Dogda? Joh segns, do homs mi etza aba net drogriagd gei? I wea doch wissn wie des Viech vo de Afrigana hoast.
Aba wei ma grod davo redn. Mei Schorschi hot a allerwei glei an Schnubfa wanns a bissl koid wead. I sogs eana, der raispad und niast nacha umananda, daß ma moana mechat er miasad glei steam. Wia? Da Dogda ligt scho a ganze Wochn in Bett? Joh mei, wenn der amoi net a Inflation dawischt hod. Des koohn fei bähs ausgeh so a Inflation. Mei Oba is seinerzeit an soebas gschtorm. Aba gengans, des hod doch nix mit'm Gaid zum doa, wann ma Fiaba hod und in Bett lign muaß. Hechstns wei ma nacha net zun abeitn geh ko. Aba mei Schorschi der geeht nacha imma zun Dogda und der schreibd'n nacha grang. Nacha griagt a ja a Gaid vo da Kassa.
Abrobos Kassa: Wiss'ns wen i aftletzt in Subamagd droffn hob? D'Frisörin vo da Numma fümpf. Mei I sogs eana, de woar a so aufdaglt de oide Fregaddn, mit ihrane roudn Hoa. Glaam etz sie des das de net g'ferbt is? I glaab's ja net. So roude Hoa hod doch koana vo seiba. I woas ja net: Wia ko ma sie bloss aso zamrichtn. Aba gei, a scheene Dauawainhods ma letzte wochn gmacht. Do schaugns her, i hob seit letztn Montag net Kopfwaschn miasn so guat hebt des. Jöh, da schaugns umme, do kimmts ja eh. Nah, also wenns mi frong, des is geferbt.
"Joh grias eana. Schee das ma eana amoi sigt. Sanns aufm Weg in Salong gei? Joh is schee weda heit. Eana a an scheen Tog no!"
Homs etza des gseng? Wia de wida ogmoid woa. Wia a Babagei gei?
Sie wei ma grod vo de Babagei redn. Mir woan ja den Summa auf de Kanarischen in de Ferien. Do homs a an haufa Babagei und so a scheens Weda alle Dog. Aba dreckat is des do. Do muaß ma ja as Dringwassa in Subamagd kaffa, wei's an soichen Dregg in de Wassaleidunga ham. Wiss'ns mia hom do so an Bungalo kabt. Mei Schorschi vadrogt doch des ausländische Essn in de Hotel net guat, und aussadem drau i ja denen Zimmermadln dene schbanischn net gei. Da butz i liaba seiba, nacha woas i das sauba is. Etza stain's eana des amoi vor. Bei dene do gibds netamoi a Gnedlbrod. 14 Dog koane Semmegnedl - bloß Nudl und Gadoffe.
Mei und des Zeig wos de do hom gei. Ois steed in schbanisch auf de Sacha drauf. Wia soi si denn da oans auskenna? Do woas ma ja goanet recht, waos ma do so kaaft. Joh i hob hoit nacha des Zeig kaaft, wo i de Fabagung kennt hob. Bled wo blos das mei Schorschi scho boid kann Schoglad mehr megn hod. Stain eana des amoi foa. Auf de Kanarischn gibts an echtn Milga-Schoglad.
Ah so se woan in Island auf Ualaub. Ja is des net recht koid durtn? Ned? Ah etza woas i's. De hom doch do de ganzen Geischas, de wo des hoase Wassa umananda schbritzn dean. Des is aba ganz schee gefealich gei? Homs den do koa Angst kobt das eana vabrian?
Jo songs amoi Frau Dogda. I hob moand se warn gebüldet. Geisire des san doch de jabanischen Kainarinna, de wo in de Deehaisa an Dee bringan. Net? Joh ich moa scho...
Joh eana a an scheen Dog no Frau Dogda und guade Bessarung füa an Herrn Dogda sei Inflation.