Schwabamorridädle

4,00 Stern(e) 1 Stimme

Walther

Mitglied
Schwabamorridädle

Dr Deckl isch ed richtig druff.
Drom dodrwega hart mrs kläppra,
On selles regt die Marrie uff.
Sodrumm laht se’s mächtig schäppra.

Dr Schorsch guckt riegeldomm: Sei Welt
Verreißts grad in dr graußa Kucha.
I hao doch gar nix agstellt!
Er gaht uffd Darra, om zom Flucha.

Sei Marrie mag dess Schempfa ed.
Sei Marrie mag grad gar nix mei.
Se will den Schorsch ed hao em Bett
On in die Stub derf nermad nei,

Der Schorsch hoißt oder seller isch.
Er isch vrschrogga on drnäba,
Sei Hemmad riecht ao nemme frisch.
Er sait zu sich: Dess isch koi Läba.

Am End gaht er mit Dränaauga
On seinem Rucksack naus uffs Feld.
Sei Dasein dut eam nemme dauga.
Er hot ed mal a Daschageld.

Da dussa in dr alda Schuir
Geits Wassr ond an Haufa Stroh.
Zom Essa langt a ganz kleis Fuir.
On bald geits nix mei, sowieso.

Am dridda Abed, Schorsch hat Hongr,
Kommt ussm Donggl sei Marrie.
I hao schao gnua vom Romgelongr,
Sait er zu ihr. Da lächlet sie.
 
Zuletzt bearbeitet:



 
Oben Unten