Ha so ebbes, a Bärliner ischer. Sexisch hett e jo no verschdanda. Aber an Preis!!!???. Noi, noi, noi!
Des isch jo no schlemmer. Hanoi. Ond brell bloss et so rom. Du weggscht jo älle Leit auf!
Schraub hald dei bleede Glüabirn selber nei, wenn dr mr's ed glaubsch. No brobiersch hald de fuffte Birn au no! Deim Weib glaubsch nix? Oder? No schraub se halt nei, dui Birn. Se fonktioniert ed, do beisst koi Maus koin Fada aa. Dr Schalder isch hee. Vrreckt. Verschdosch 'n des ed?
Wenn de wenigschdens en reachta Obschdler us denne Bira macha kedeschd. Aber edda mol des kenna dr do doba en Berlin! Edda mol ebbes reachts zom Saufa geits do. Bärliner Weisse, so an Gruschd.
Noi!